ცხადდება კონკურსი ედიშერ და გიორგი (გიგი) გარაყანიძეების სახელობის ყოველწლიური სტიპენდიის მოსაპოვებლად. მონაწილეობის მიღება შეუძლიათ კონსერვატორიის კომპოზიციისა და მუსიკოლოგიის ფაკულტეტის ეთნომუსიკოლოგიის და საეკლესიო მუსიკოლოგიის სპეციალობის ტრადიციული მუსიკის მკვლევარ სტუდენტებს.
სტიპენდია (1000 ლარის ოდენობით) გადაეცემა საბაკალავრო, სამაგისტრო და სადოქტორო საფეხურებიდან ერთ საკეთესო სტუდენტს, რომელსაც ბოლო ერთი წლის განმავლობაში აქვს მაღალი აკადემიური მოსწრება და აქტიური სამეცნიერო ცხოვრება.
ედიშერ და გიორგი (გიგი) გარაყანიძეების სახელობის ყოველწლიურ სტიპენდიას 2016 წლიდან გასცემს ფონდი ,,ქართული გალობა“ თბილისის ვანო სარაჯიშვილის სახელობის სახელმწიფო კონსერვატორიის, თბილისის სახელმწიფო უნივერსიტეტისა და გალობის უნივერსიტეტის საუკეთესო სტუდენტებისთვის.
კონკურსის მონაწილეების განაცხადი მიიღება 2022 წლის 27-29 ოქტომბერს ელ.ფოსტაზე compose-theory@tsc.edu.ge
სტიპენდიის მიღების მსურველებმა (ეთნომუსიკოლოგიისა და საეკლესიო მუსიკოლოგიის სპეციალობის სტუდენტებმა) უნდა გამოაგზავნონ ბოლო ერთი წლის (2021-22 სასწავლო წელი) აკადემიური მოსწრებისა და სამეცნიერო აქტივობის დამადასტურებელ საბუთები:
- აკადემიური მოსწრების საბუთი (ნიშნები) გაიცემა კომპოზიციისა და მუსიკოლოგიის ფაკულტეტის დეკანატში;
- სამეცნიერო აქტივობის ჩამონათვალი;
- სამეცნიერო აქტივობის დამადასტურებელი საბუთების ასლები: გამოქვეყნებული სტატიები, ჟურნალ-გაზეთების სატიტულო გვერდების ასლები, კონფერენციებში, სიმპოზიუმებში მონაწილეობის დამადასტურებელი პროგრამები, ექსპედიციების ხელმძღვანელების წერილობითი დასტური მონაწილეობასთან დაკავშირებით.
შენიშვნა:
● სტუდენტი შესაძლებელია იყოს 2022 წლის კურსდამთავრებული, აქტიური ან შეჩერებული სტატუსის მქონე;
● 2021-22 სასწავლო წლის განმავლობაში შეჩერებული სტატუსის მქონე სტუდენტის შერჩევა მოხდება მხოლოდ სამეცნიერო აქტივობით;
● კონკურსში მონაწილეობის მიღება შეუძლია წინა წლის/წლების სტიპენდიანტს;
● კონკურსში მონაწილეობის მიღება შეუძლია ბაკალავრიატის, მაგისტრატურის, დოქტორანტურის პირველი კურსის სტუდენტს, თუ მას წინა წლის განმავლობაში ჰქონდა სამეცნიერო აქტივობა.
საბუთებს განიხილავს კომისია და საუკეთესო მონაცემების მქონე სტუდენტს დაენიშნება ედიშერ და გიორგი გარაყანიძეების სახელობის სტიპენდია; გამარჯვებული გამოვლინდება არაუგვიანეს მიმდინარე წლის 03 ნოემბრისა.