2024 წლის 13-14 დეკემბერს თბილისის ვანო სარაჯიშვილის სახელობის სახელმწიფო კონსერვატორიის მუსიკის ისტორიის მიმართულება ატარებს რესპუბლიკურ სამეცნიერო კონფერენციას „პიროვნება და საზოგადოება დროის კონტექსტში“ რომელიც ეძღვნება ოთარ თაქთაქიშვილის დაბადებიდან 100 და შალვა მშველიძის დაბადებიდან 120 წლისადმი
2024 წელს ორი დიდი ქართველი კომპოზიტორის საიუბილეო თარიღი აღინიშნება – ოთარ თაქთაქიშვილის დაბადებიდან 100 და შალვა მშველიძის 120 წლისთავი. ორივემ წარუშლელი კვალი დატოვა ქართული მუსიკალური კულტურის ისტორიაში ფართო და მრავალმხრივი მოღვაწეობით. კონფერენციის მიზანია არა მარტო პატივი მიაგოს ამ ორი დიდი ხელოვანის ღვაწლს, არამედ ხელი შეუწყოს სამეცნიერო კვლევებს მუსიკალური ხელოვნების ყველა მიმართულებით, როგორც მუსიკოლოგიური და საშემსრულებლო, ისე ხელოვნების მომიჯნავე სფეროში. მისასალმებელია როგორც საკუთრივ ოთარ თაქთაქიშვილის და შალვა მშველიძის შემოქმედებასთან დაკავშირებული თემატიკა, ისე ინტერდისციპლინური და ინტერკულტურული კვლევები, დაკავშირებული მუსიკის პოეზიასა და ლიტერატურასთან კავშირის, ტრადიციისა და ნოვაციების, იდენტობის და ა.შ. აქტუალურ პრობლემატიკასთან.
მოთხოვნები:
მოკლე CV, არაუმეტეს 50 სიტყვისა.
თეზისები არ უნდა აღემატებოდეს 1 გვერდს; შრიფტი – სილფაინი, ზომა – 12, დაშორება – 1,5.
მოხსენების ხანგრძლივობა: 30 წთ. (20 წთ. – პრეზენტაციისთვის, 10 წთ. – დისკუსიისთვის);
მოხსენების ტექსტი არ უნდა აღემატებოდეს 7 გვ.-ს.
კონფერენციის მოხსენება არ უნდა იყოს გამოქვეყნებული ან წაკითხული სხვა სამეცნიერო ღონისძიებაზე.
განაცხადი (ფორმა იხილეთ შემდეგ გვერდზე) გამოგზავნეთ ელექტრონულ მისამართზე: science@tsc.edu.ge. გამოგზავნისას SUBJCET ველში აუცილებლად მიუთითეთ: „პიროვნება და საზოგადოება დროის კონტექსტში“. კონფერენცია ჩატარდება ჰიბრიდულ რეჟიმში – მონაწილეობა შესაძლებელია როგორც პირისპირ, ისე ონლაინ რეჟიმში.
კონფერენციაზე იმუშავებს კონკრეტულ პრობლემატიკაზე ორიენტირებული სექციები; კონფერენციის ფარგლებში იმუშავებს სტუდენტური სექცია.
მნიშვნელოვანი თარიღები:
სარეგისტრაციო განაცხადის ფორმის წარმოდგენის ბოლო ვადა 2024 წლის 1 ნოემბერი. ინფორმაცია კონფერენციაზე დაშვების შესახებ აპლიკანტს ეცნობება არაუგვიანეს 15 ნოემბრისა. კონფერენციაზე წარმოდგენილი რჩეული მოხსენებების სრული ტექსტი დაიბეჭდება კონსერვატორიის სამეცნიერო ელექტრონულ ჟურნალში „მუსიკოლოგია და კულტუროლოგია“
კონფერენციის ორგანიზატორი:
მუსიკის ისტორიის მიმართულება პროფესორი მარინა ქავთარაძე ტელ.: 599784450, ელ. ფოსტა: marina.kavtaradze@tsc.edu.ge
თსკ კვლევის კოორდინაციის დეპარტამენტი ასოც. პროფესორი მაია სიგუა ელ. ფოსტა: science@tsc.edu.ge