akaddadgenileba342021

დადგენილება № 34/2021 – სსიპ – თბილისის ვანო სარაჯიშვილის სახელობის სახელმწიფო კონსერვატორიის 2020-2021 სასწავლო წლის საკვალიფიკაციო გამოცდების, 2021-2022 სასწავლო წელს საბაკალავრო და სამაგისტრო პროგრამებზე მისაღები გამოცდების ჩატარების ვადების დამტკიცების შესახებ 

დადგენილება № 34/2021
თარიღი: 26 მარტი, 2021 წელი 

საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-2 ნაწილების, 53-ე მუხლის პირველი და მესამე ნაწილების, 54-ე მუხლის პირველი ნაწილის, 55-ე მუხლის, 56-ე მუხლის მე-3 ნაწილის, 57-ე მუხლის, საქართველოს კულტურისა და ძეგლთა დაცვის მინისტრის 2014 წლის 07 ივლისის N 05/90 ბრძანებით დამტკიცებული „საჯარო სამართლის იურიდიული პირის თბილისის ვანო სარაჯიშვილის სახელობის სახელმწიფო კონსერვატორიის წესდების“ მე-8 მუხლის პირველი ნაწილის „წ“ ქვეპუნქტის და აკადემიური საბჭოს 2021 წლის 26 მარტის №12 სხდომაზე დაფიქსირებული პოზიციების ურთიერთშეჯერების საფუძველზე (აკადემიური საბჭოს სხდომის ოქმი № 12),

აკადემიური საბჭო ადგენს:

1. დამტკიცდეს სსიპ – თბილისის ვანო სარაჯიშვილის სახელობის სახელმწიფო კონსერვატორიის 2020-2021 სასწავლო წლის საკვალიფიკაციო გამოცდების, 2021-2022 სასწავლო წელს საბაკალავრო და სამაგისტრო პროგრამებზე მისაღები გამოცდების ჩატარების ვადები შემდეგი სახით:
   1.1  საშემსრულებლო და კომპოზიციისა და მუსიკოლოგიის ფაკულტეტებზე 2020-2021 სასწავლო წლის საკვალიფიკაციო გამოცდების ვადები – 2021 წლის 18 მაისიდან 21 ივნისის ჩათვლით, covid-19–ის გამო გადატანის შემთხვევაში 2021 წლის 29 ივნისი;
   1.2  2021-2022 სასწავლო წელს საბაკალავრო პროგრამებზე: „საშემსრულებლო ხელოვნება“, „ჯაზის ხელოვნება“, „კომპოზიცია“, „მუსიკის თეორია“ მისაღები გამოცდების ვადები – 7 ივნისიდან 15 ივნისის ჩათვლით, covid19–ის გამო გადატანის შემთხვევაში 2021 წლის 28 ივნისი;
   1.3  2021-2022 სასწავლო წელს სამაგისტრო პროგრამაზე „საშემსრულებლო ხელოვნება“ მისაღები გამოცდების ვადები – 16 ივნისიდან 19 ივნისის ჩათვლით, covid19-ის გამო გადატანის შემთხვევაში 2021 წლის 03 ივლისი;
   
2. დადგენილება გადაეგზავნოს ორივე ფაკულტეტის დეკანს, ორივე ფაკულტეტის მიმართულებათა მიმართულების ხელმძღვანელებს, სასწავლო დეპარტამენტს, ხარისხის უზრუნველყოფის სამსახურს, საერთაშორისო ურთიერთობათა დეპარტამენტს;
3. დადგენილება განთავსდეს კონსერვატორიის ოფიციალურ ვებ-გვერდზე www.tsc.edu.ge;
4. წინამდებარე დადგენილება დაინტერესებული პირის მიერ შეიძლება გასაჩივრდეს კანონმდებლობით დადგენილი წესით ძალაში შესვლის დღიდან 1 თვის ვადაში ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე–12 კილომეტრი, №6).
5. დადგენილება ძალაშია ხელმოწერისთანავე
6.  

ნანა შარიქაძე
აკადემიური საბჭოს თავმჯდომარე