dadgenileb55

დადგენილება № 55/2021 – სსიპ – თბილისის ვანო სარაჯიშვილის სახელობის სახელმწიფო კონსერვატორიის აკადემიური პერსონალის სამსახურში მიღებისა და კონკურსის ჩატარების ერთიანი წესის შესახებ

დადგენილება №55/2021
თარიღი: 17 მაისი, 2021 წელი

საქართველოს ზოგადი ადმინისტრაციული კოდექსის 52-ე მუხლის პირველი და მე-2 ნაწილების, 53-ე მუხლის პირველი, მე-2 და მე-3 ნაწილების, 54–ე მუხლის პირველი ნაწილის, 56–ე მუხლის მე–2 ნაწილისა, 57–ე და 61-ე მუხლების, ,,უმაღლესი განათლების შესახებ” საქართველოს კანონის 21-ე მუხლის პირველი პუნქტის ,,ნ“ ქვეპუნქტის, საქართველოს კულტურისა და ძეგლთა დაცვის მინისტრის 2014 წლის 07 ივლისის N 05/90 ბრძანებით დამტკიცებული „საჯარო სამართლის იურიდიული პირის თბილისის ვანო სარაჯიშვილის სახელობის სახელმწიფო კონსერვატორიის წესდების“ მე-8 მუხლის პირველი პუნქტის „პ“ ქვეპუნქტისა და აკადემიური საბჭოს 2021 წლის 17 მაისის №22 სხდომაზე პოზიციების ურთიერთშეჯერების საფუძველზე (აკადემიური საბჭოს სხდომის ოქმი №22),

აკადემიური საბჭო ადგენს:

1. დამტკიცდეს: 
   ა) სსიპ – თბილისის ვანო სარაჯიშვილის სახელობის სახელმწიფოკონსერვატორიის აკადემიური პერსონალის სამსახურში მიღებისა და კონკურსის ჩატარების ერთიანი წესი (დანართი 1);
   ბ) კონკურსში მონაწილეობის მსურველის განცხადების ფორმა (დანართი №2 – განცხადება – საშემსრულებლო;  დანართი № 2 – განცხადება – კომპოზიცია;  დანართი № 2 – განცხადება – მუსიკის თეორია);
   გ) კონკურსანტის ანკეტა  (დანართი № 3 – ანკეტა – საშემსრულებლო;  დანართი № 3 – ანკეტა – კომპოზიცია;  დანართი № 3 – ანკეტა – მუსიკოლოგია და ხალხური შემოქმედება);
   დ) კონკურსანტის შეფასების ფორმა (დანართი №4 – შეფასების ფორმა – საშემსრულებლო;    დანართი № 4 – შეფასების ფორმა – კომპოზიცია; დანართი № 4 – შეფასების ფორმა – მუსიკოლოგია);
   ე) გაუთქმელობის დოკუმენტი (დანართი 5);
2.  ძალადაკარგულად გამოცხადდეს „სსიპ –  აკადემიური პერსონალის სამსახურში მიღებისა და კონკურსის ჩატარების ერთიანი წესის შესახებ“ კონსერვატორიაში ადრე მოქმედი რეგულაციები.
3. აღნიშნული დადგენილება დასამტკიცებლად წარედგინოს სსიპ – თბილისის ვანო სარაჯიშვილის სახელობის სახელმწიფო კონსერვატორიის წარმომადგენლობით საბჭოს.
4. დადგენილების ყველასათვის ხელმისაწვდომ ადგილზე განთავსება დაევალოს კონსერვატორიის საქმეთა წარმოების სამსახურს.
5. დადგენილება განთავსდეს კონსერვატორიის ოფიციალურ ვებგვერდზე www.tsc.edu.ge.
6.  წინამდებარე დადგენილება დაინტერესებული პირის მიერ შეიძლება გასაჩივრდეს კანონმდებლობით დადგენილი წესით ძალაში შესვლის დღიდან 1 თვის ვადაში ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე–12 კილომეტრი, №6).
7. დადგენილება ძალაში შევიდეს კანონმდებლობით დადგენილი წესით.
   
   

   ნანა შარიქაძე
   აკადემიური საბჭოს თავმჯდომარ