მიღება 2021 BA

საშემსრულებლო ხელოვნება – სპეციალობები: კლავიშიანი საკრავები, საორკესტრო  სიმებიანი საკრავები (ვიოლინო, ალტი, ჩელო, კონტრაბასი), საორკესტრო ჩასაბერი და დასარტყამი საკრავები (ფლეიტა, ჰობოი, კლარნეტი, ფაგოტი, ვალტორნა, საყვირი, ტრომბონი, ტუბა, დასარტყამი საკრავები), სოლო აკადემიური სიმღერა (ქალები, ვაჟები), აკადემიური გუნდის დირიჟორობა.
ჯაზის ხელოვნება
კომპოზიცია
მუსიკის თეორია
მუსიკა და დღევანდელობა სპეციალობები: მუსიკის ტექნოლოგია, მუსიკის ჟურნალისტიკა.
(პროგრამაზე “მუსიკა და დღევანდელობა” აბიტურიენტთა ჩარიცხვა ხორციელდება მხოლოდ ერთიანი ეროვნული გამოცდების შედეგების საფუძველზე; არ მოეთხოვებათ შემოქმედებითი ტურის ჩაბარება და ქვემოთ მოცემულ ვადებში რეგისტრაციის გავლა).

შენიშვნა:  ქართულ ენაში მომზადების საგანმანათლებლო პროგრამის გავლის მსურველი პირები, კონსერვატორიის სახელოვნებო–შემოქმედებით საბაკალავრო პროგრამებზე სწავლის გაგრძელების შემთხვევაში, ვალდებულები არიან  ასევე გაიარონ რეგისტრაცია და შემოქმედებით ტურები.

რეგისტრაცია:  10  მაისიდან  23  მაისის  ჩათვლით აბიტურიენტებმა დოკუმენტები უნდა გამოაგზავნონ ელ.ფოსტაზე registration@tsc.edu.ge
რეგისტრაციისას  გამოსაგზავნი საბუთების ნუსხა განთავსებულია – ბმულზე
(იმ შემთხვევაში თუ გსურთ კონსერვატორიამ უზრუნველგყოთ კონცერტმაისტერით, გთხოვთ წერილობით გვაცნობოთ რეგისტრაციის დროს)

შემოქმედებითი ტურები  ჩატარდება 07 ივნისიდან 15 ივნისის ჩათვლით. იხ. სრული განრიგი

(იმ შემთხვევაში თუ პროგრამაზე „საშემსრულებლო ხელოვნება“ გსურთ კონსერვატორიამ უზრუნველგყოთ კონცერტმაისტერით, გთხოვთ წერილობით გვაცნობოთ რეგისტრაციის დროს)

შენიშვნა: შემოქმედებით ტურებთან დაკავშირებით დეტალური ინფორმაცია (რეპეტიცია, კონსულტაცია, ცხრილი და სხვ.) განთავსდება რეგისტრაციის შემდგომ.
(სპეციალობის გამოცდაზე შემოქმედებით ტურში მონაწილე აბიტურიენტთა რიგითობა განისაზღვრება ანბანური პრინციპით, სოლო აკადემიური სიმღერის სპეციალობის აბიტურიენტებისთვის კი კონსერტმაისტერთა ანბანური პრინციპით).