carmomadg-20-22-dadgenileba

დადგენილება № 20/2022 – სსიპ – თბილისის ვანო სარაჯიშვილის სახელობის სახელმწიფო კონსერვატორიის საშემსრულებლო ფაკულტეტის დებულებაში ცვლილებების შეტანის შესახებ 

დადგენილება № 20/2022
თარიღი: 29 ივლისი, 2022 წელი

 საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-2 ნაწილების, 53-ე მუხლის პირველი და მესამე ნაწილების, 54-ე მუხლის პირველი ნაწილის, 55-ე მუხლის, 56-ე მუხლის მე-3 ნაწილის, 57-ე მუხლის, 63-ე მუხლის, საქართველოს კულტურისა და ძეგლთა დაცვის მინისტრის 2014 წლის 07 ივლისის N 05/90 ბრძანებით დამტკიცებული „საჯარო სამართლის იურიდიული პირის თბილისის ვანო სარაჯიშვილის სახელობის სახელმწიფო კონსერვატორიის წესდების“ მე-11 მუხლის 1-ლი პუნქტის „გ“ ქვეპუნქტის, მე-8 მუხლის 1-ლი პუნქტის „თ“ ქვეპუნქტის, საშემსრულებლო ფაკულტეტის საბჭოს 2022 წლის 25 ივლისის № 18 საბჭოს სხდომის ოქმის, კონსერვატორიის წარმომადგენლობითი საბჭოს 2022 წლის 29 ივლისის № 07 სხდომაზე დაფიქსირებული პოზიციების ურთიერთშეჯერების საფუძველზე,

წარმომადენლობითი საბჭო ადგენს:

1. დამტკიცდეს სსიპ – თბილისის ვანო სარაჯიშვილის სახელობის სახელმწიფო კონსერვატორიის საშემსრულებლო ფაკულტეტის დებულებაში ცვლილებები შემდეგი სახით:

1.1. კონსერვატორიის საშემსრულებლო ფაკულტეტის დებულების მე-19 მუხლის (სტუდენტი და მისი უფლებამოვალეობები) 1-ლი პუნქტის „გ“ ქვეპუნქტით გათვალისწინებული ფორმულირება ჩამოყალიბდეს შემდეგი რედაქციით: „გ. სასწავლო წლის დასაწყისშივე აირჩიოს პედაგოგები სპეციალურ დისციპლინებში (განცხადების ფორმით), გარდა იმ დისციპლინებისა, რომლებიც ემყარება ჯგუფური მეცადინეობის ან/და საპროექტო მეცადინეობის პრინციპს ან/და რეპერტუარით განსაზღვრულ ინსტრუმენტულ შემადგენლობას. ამ შემთხვევაში სტუდენტს პედაგოგს განუსაზღვრავს კონსერვატორია.

1.2. საშემსრულებლო ფაკულტეტის დებულების მე-19 მუხლის (სტუდენტი და მისი უფლებამოვალეობები) მე-14 მუხლის ფორმულირება ჩამოყალიბდეს შემდეგი რედაქციით:
“14. სტუდენტს უფლება აქვს, შეიცვალოს პედაგოგი განცხადების საფუძველზე (მიზეზის მითითებით) და წარადგინოს დეკანატში, მხოლოდ სემესტრის დასაწყისში, გამონაკლისია ამ დებულების მე-19 მუხლის 1-ლი პუნქტის „გ“ ქვეპუნქტით გათვალისწინებული შემთხვევა.“

2. დადგენილება განთავსდეს კონსერვატორიის ვებ-გვერდზე tsc.edu.ge;
3. წინამდებარე დადგენილება დაინტერესებული პირის მიერ შეიძლება გასაჩივრდეს კანონმდებლობით დადგენილი წესით ძალაში შესვლიდან 1 თვის ვადაში ქ. თბილისის საქალაქო სასამართლოში (მისამართი: ქ. თბილისი, დავით აღმაშენებლის ხეივანი, მე-12 კილომეტრი, № 64);
4. დადგენილება ძალაში შედის ხელმოწერისთანავე.

ირაკლი ევსტაფიშვილი
წარმომადგენლობითი საბჭოს სპიკერი