Erasmus(სტუდენტთა გაცვლა)

Erasmus+ პროგრამით სტიპენდიების კონკურსში მონაწილეობის მიღების მსურველი
თსკ-ის სტუდენტებისთვის

თსკ-ის სტუდენტთა მობილობა ხორციელდება პარტნიორ ევროპულ უმაღლეს სასწავლებლებთან Erasmus+ ICM (International Credit Mobility) თანამშრომლობის ფარგლებში. მობილობა ნებისმიერ საფეხურზე (ბაკალავრიატის მეორე კურსიდან) ნებისმიერ დისციპლინაშია შესაძლებელი. გაცვლით პროგრამაში მონაწილეობა შესაძლებელია 3-12 თვით (1 ან 2 სემესტრით) თითოეული ციკლის (ბაკალავრიატი, მაგისტრატურა, დოქტორანტურა) ფარგლებში.

Erasmus+ პროგრამაში მონაწილეობისთვის განაცხადის გაკეთება შეუძლიათ, როგორც საქართველოს ისე უცხო ქვეყნის მოქალაქეებს, რომლებსაც გააჩნიათ კონსერვატორიის აქტიური სტუდენტის სტატუსი.
გაზაფხულის სემესტრში მობილობის განხორციელების მსურველებმა მოთხოვნილი დოკუმენტაცია საერთაშორისო დეპარტამენტში (მეილზე: erasmus@tsc.edu.ge) უნდა წარმოადგინოთ 15-30 სექტემბრის ჩათვლით, ხოლო შემოდგომის სემესტრსა და ერთი სასწავლო წლით მობილობის განხორციელების მსურველებმა განაცხადი უნდა გააკეთოთ ყოველი წლის 15-30 იანვრის განმავლობაში.

თბილისის სახელმწიფო კონსერვატორიის ერასმუს PIC ნომერია: 932283976

თსკ-ის სტუდენტებმა ერასმუს+ სტიპენდიის მოსაპოვებლად და გაცვლით პროგრამაში მონაწილეობის მისაღებად უნდა გაიარონ შემდეგი ეტაპები:

ა) წინასწარი შერჩევა (პრესელექცია) თსკ-ში;
ბ) საჭირო დოკუმენტაციის ევროპულ სასწავლებლებში გაგზავნა;
გ) სავიზო პროცედურების გავლა.

წინასწარი შერჩევის პროცესს კოორდინირებას მთლიანად უწევს თსკ-ის საერთაშორისო ურთიერთობათა დეპარტამენტი.
საბუთების მიღება ცხადდება, წელიწადში ორჯერ, იანვარსა და სექტემბერში.
წინასწარი შერჩევის ეტაპზე სტუდენტებმა უნდა წარმოადგინონ:
ა) ცნობა აქტიური სტატუსის და სპეციალობის საგნებში დავალიანების არქონის შესახებ – ქართულად;
ბ) >>> შევსებული სააპლიკაციო ფორმა და
>>> კითხვარი
გ) ინგლისური ენის ცოდნის დამადასტურებელი დოკუმენტი

პრესელექციის შემდეგ სტუდენტები აგზავნიან საჭირო დოკუმენტაციის ევროპულ სასწავლებლებში. საბუთების ზუსტ ჩამონათვალ სტუდენტები უნდა გაეცნონ მიმღები სასწავლებლების ვებ-გვერდებზე. ძირითადად, სასწავლებლები ითხოვენ შემდეგ დოკუმენტაციას:

ა)  სააპლიკაციო ფორმა
ბ)  სასწავლო ხელშეკრულება
გ) პასპორტის/მოქალაქეობის დამადასტურებელი დოკუმენტის ასლი
დ) Curriculum Vitae/ რეზიუმე
ე) სამოტივაციო წერილი
ვ) ნიშნები ფურცელი/დიპლომის დანართი ან სწავლების საფეხურის/წინა საფეხურის დამადასტურებელი საბუთი
ზ) აუდიო/ვიდეო ჩანაწერი, ხანგრძლივობა: 15-20 წუთი
თ) უცხო ქვეყანაში მიღებული სრული ზოგადი ან მისი ექვივალენტური განათლების დამადასტურებელი დოკუმენტის ასლი – არსებობის შემთხვევაში
ი) ფოტოსურათი

მეორე ეტაპის ყველა საბუთი უნდა გაიგზავნოს EASY პლატფორმიდან (aec.dreamapply.com), რომელიც AEC – ევროპის კონსერვატორიებისა და მუსიკის აკადემიების ასოციაციის ქოლგის ქვეშ მუშაობს და აერთიანებს 300-ზე მეტ სახელოვნებო სასწავლებელს.

ევროპული სასწავლებლის მიერ აპლიკანტის შერჩევის შემთხვევაში სტუდენტი გადის სავიზო პროცედურებს და აფორმებს ფინანსურ და სასწავლო ხელშეკრულებებს.

შეკითხვებისთვის მიმართეთ კონსერვატორიის საერთაშორისო ურთიერთობების დეპარტამენტს – erasmus@tsc.edu.ge

დამატებითი ინფორმაციისთვის გაეცანით ერასმუს+ გზამკვლევს.

თსკ-ში Erasmus+ პროგრამით სწავლის მსურველი პარტნიორი უმაღლესი საგანმანათლებლო დაწესებულების სტუდენტებისთვის

თსკ-ში სტუდენტთა საერთაშორისო მობილობა ხორციელდება პარტნიორ ევროპულ უმაღლეს სასწავლებლებთან Erasmus+ ICM (International Credit Mobility) თანამშრომლობის ფარგლებში. მობილობა ნებისმიერ საფეხურზე (ბაკალავრიატის მეორე კურსიდან) ნებისმიერ დისციპლინაშია შესაძლებელი. გაცვლით პროგრამაში მონაწილეობა შესაძლებელია 3-12 თვით (1 ან 2 სემესტრით) თითოეული ციკლის (ბაკალავრიატი, მაგისტრატურა, დოქტორანტურა) ფარგლებში.

თსკ-ში Erasmus+ პროგრამით სწავლის მსურველმა პარტნიორი უმაღლესი საგანმანათლებლო დაწესებულების აქტიური სტატუსის მქონე სტუდენტმა უნდა წარმოადგინოს შემდეგი დოკუმენტაცია:

• Erasmus+ სააპლიკაციო ფორმა;
• Erasmus+ სასწავლო ხელშეკრულება;
• Curriculum Vitae / რეზიუმე;
• სამოტივაციო წერილი;
• ნიშნების ფურცელი/დიპლომის დანართი ან სწავლების საფეხურის/წინა საფეხურის დამადასტურებელი საბუთი;
• აუდიო/ვიდეო ჩანაწერი – რეპერტუარი სტუდენტის არჩევანით, ხანგრძლივობა 15-20 წუთი;
• პასპორტის/მოქალაქეობის დამადასტურებელი დოკუმენტის ასლი;
• ფოტოსურათი

თსკ-ში Erasmus+ პროგრამით სწავლის მსურველმა პარტნიორი უმაღლესი საგანმანათლებლო დაწესებულებების სტუდენტებმა  თსკ-ის საერთაშორისო დეპარტამენტის მეილზე (erasmus@tsc.edu.ge)

მოთხოვნილი დოკუმენტაცია უნდა გამოგზავნონ 15 ოქტომბრიდან 15 ნოემბრამდე (გაზაფხულის სემესტრში სწავლის სურვილის შემთხვევაში) ან 15 მარტიდან 15 აპრილამდე (შემოდგომის სემესტრში სწავლის სურვილის შემთხვევაში).