სტუდენტთა სამეცნიერო საზოგადობა (ს.ს.ს)
თბილისის ვანო სარაჯიშვილის სახელობის სახელმწიფო კონსერვატორიაში 1948 წლიდან არსებობს სტუდენტთა სამეცნიერო საზოგადოება (ს.ს.ს.). ის წარმოადგენს სტუდენტთა ნებაყოფლობით გაერთიანებას, რომლის მუშაობაშიც, ძირითადად, კომპოზიციისა და მუსიკოლოგიის ფაკულტეტის სტუდენტები არიან ჩართულნი, თუმცა სტუდენტი-შემსრულებლებიც ხშირად იღებენ აქტიურ მონაწილეობას.
სტუდენტთა სამეცნიერო საზოგადოება მიზნად ისახავს სტუდენტების თვალსაწიერის გაფართოებას, დამოუკიდებელი აზროვნებისა და დისკუსიის უნარის ჩამოყალიბებას.
სტუდენტთა სამეცნიერო საზოგადოების მუშაობის ძირითად ფორმებია:
- სტუდენტთა სამეცნიერო მოხსენებების წაკითხვა და განხილვა ყოველკვირეულ სხდომებზე;
- სტუდენტ-კომპოზიტორთა ნაწარმოებების მოსმენა/განხილვა;
- აუდიო და ვიდეო ჩანაწერების მოსმენა სტუდენტთა კომენტარებით;
- სტუდენტური ძალებით კონცერტების მოწყობა, რომლებშიც მონაწილეობენ სტუდენტი-შემსრულებლებიც;
- საჯარო შეხვედრა/დისკუსიები ხელოვანების სხვადასხვა სფეროს წარმომადგენლებთან (კომპოზიტორები, მწერლები, მხატვრები და სხვ.);
- დისკუსიები პროფესიულ და კულტურის სფეროში აქტუალურ თემებზე;
- სხვა სახის შემოქმედებითი მუშაობა;
- ყოველწლიური სტუდენტური კონფერენცია. (2019-20 წლის კონფერენციის შესახებ ინფორმაციის სანახავად გადადით ბმულზე)
სტუდენტთა სამეცნიერო საზოგადოების ხელმძღვანელია მუსიკის ისტორიისა და მუსიკის თეორიის მიმართულებების პროფესორი, ხელოვნებათმცოდენობის დოქტორი – ქეთევან ბოლაშვილი. იგი სტუდენტებთან ერთად, შეიმუშავებს სამოქმედო სტრატეგიას, ადგენს შეხვედრების თემატიკას, და თავმჯდომარე, რომელიც საზოგადოების მუშაობას წარმართავს. თავმჯდომარის არჩევნები ყოველი სასწავლო წლის დასაწყისში ტარდება. 2020/2021 სასწავლო წელს, საზოგადოების წევრებმა თავმჯდომარედ აირჩიეს კომპოზიციისა და მუსიკოლოგიის ფაკულტეტის ბაკალავრიატის IV კურსის სტუდენტი ირინა დუმბაძე.
2020 წლიდან ს.ს.ს.-ში მნიშვნელოვანი სიახლეებია:
1948 წლის შემდეგ პირველად, ს.ს.ს.-ს უკვე აქვს საკუთარი ლოგო.
2020 წელს შეიქმნა ს.ს.ს.-ის Facebook გვერდიც, რომლის საშუალებითაც ნებისმიერ მსურველს შეუძლია გაეცნოს საზოგადოების მუშაობაში მიმდინარე მნიშვნელოვან მოვლენებსა და სიახლეებს (გვერდის ბმული).
ასევე, 2020 წლიდან ფუნქციონირებს სტუნდეტთა სამეცნიერო საზოგადოების მიერ დაფუძნებული სტუდენტური ბლოგი – OPUS 2, რომელიც შეიქმნა ს.ს.ს.-ის წევრების (მარიამ ჭეიშვილი და ირინა დუმბაძე) ინიციატივით.
საკონტაქტო ინფორმაცია
e-mail: sss@tsc.edu.ge