akad-52-22-dadgenileba

დადგენილება № 52/2022 –  სსიპ – თბილისის ვანო სარაჯიშვილის სახელობის სახელმწიფო კონსერვატორიის კომპოზიციისა და მუსიკოლოგიის ფაკულტეტზე 2023-2024 სასწავლო წლისათვის საბაკალავრო პროგრამაზე „მუსიკა და დღევანდელობა (მუსიკის ტექნოლოგია)“ დაშვების დამატებით მოთხოვნებში ცვლილების შეტანის შესახებ

დადგენილება № 52/2022
თარიღი: 30 ნოემბერი, 2022 წელი

საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-2 ნაწილების, 53-ე მუხლის პირველი და მესამე ნაწილების, 54-ე მუხლის პირველი ნაწილის, 55-ე მუხლის, 56-ე მუხლის მე-3 ნაწილის, 57-ე მუხლის, საქართველოს კულტურისა და ძეგლთა დაცვის მინისტრის 2014 წლის 07 ივლისის № 05/90 ბრძანებით დამტკიცებული „საჯარო სამართლის იურიდიული პირის თბილისის ვანო სარაჯიშვილის სახელობის სახელმწიფო კონსერვატორიის წესდების“ მე-8 მუხლის პირველი ნაწილის „წ“ ქვეპუნქტის, კოპოზიციისა და მუსიკოლოგიის ფაკულტეტის საბჭოს 2022 წლის 18 ნოემბრის № 25 სხდომის ოქმისა და აკადემიური საბჭოს 2022 წლის 30 ნოემბრის № 21 სხდომაზე დაფიქსირებული პოზიციების ურთიერთშეჯერების საფუძველზე (აკადემიური საბჭოს სხდომის ოქმი № 21),

აკადემიური საბჭო ადგენს:

  1. შევიდეს ცვლილება სსიპ – თბილისის ვანო სარაჯიშვილის სახელობის სახელმწიფო კონსერვატორიის კომპოზიციისა და მუსიკოლოგიის ფაკულტეტზე 2023-2024 სასწავლო წლისათვის საბაკალავრო პროგრამაზე „მუსიკა და დღევანდელობა (მუსიკის ტექნოლოგია)“ დაშვების დამატებით მოთხოვნებში და დამტკიცდეს დანართის სახით;
  2. დადგენილება გადაეგზავნოს კომპოზიციისა და მუსიკოლოგიის ფაკულტეტის დეკანს, მუსიკის ტექნოლოგიის მიმართულების და პროგრამის ხელმძღვანელს, სტუდენტთა მიღებისა და რეესტრის მართვის დეპარტამენტს, სასწავლო დეპარტამენტს, ხარისხის უზრუნველყოფის სამსახურს;
  3. დადგენილება განთავსდეს კონსერვატორიის ოფიციალურ ვებ-გვერდზე www.tsc.edu.ge;
  4. წინამდებარე დადგენილება დაინტერესებული პირის მიერ შეიძლება გასაჩივრდეს კანონმდებლობით დადგენილი წესით ძალაში შესვლის დღიდან 1 თვის ვადაში ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე–12 კილომეტრი, № 64).
  5. დადგენილება ძალაში შედის ხელმოწერისთანავე.

ზეინაბ (ლალი) ბაქრაძე
აკადემიური საბჭოს სხდომის თავმჯდომარე
აკადემური საბჭოს წევრი