akaddadgenileba432021

დადგენილება №43/2021 – სსიპ – თბილისის ვანო სარაჯიშვილის სახელობის სახელმწიფო კონსერვატორიის აკადემიური საბჭოს 2021 წლის 02 აპრილის №39/2021 დადგენილებაში – „ახალი კორონავირუსის Covid-19-ის გავრცელებასთან დაკავშირებით სსიპ – თბილისის ვანო სარაჯიშვილის სახელობის სახელმწიფო კონსერვატორიაში არსებული მცირე დარბაზის უსაფრთხოდ მუშაობის გეგმის დამტკიცების შესახებ“ ცვლილების შეტანის შესახებ

დადგენილება №43/2021
თარიღი: 16 აპრილი, 2021 წელი

საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-2 ნაწილების, 53-ე მუხლის პირველი და მესამე ნაწილების, 54-ე მუხლის პირველი ნაწილის, 55-ე მუხლის, 56-ე მუხლის მე-3 ნაწილის, 57-ე მუხლის, საქართველოს კულტურისა და ძეგლთა დაცვის მინისტრის 2014 წლის 07 ივლისის N 05/90 ბრძანებით დამტკიცებული „საჯარო სამართლის იურიდიული პირის თბილისის ვანო სარაჯიშვილის სახელობის სახელმწიფო კონსერვატორიის წესდების“ მე-8 მუხლის პირველი ნაწილის „წ“ ქვეპუნქტის და აკადემიური საბჭოს 2021 წლის 16 აპრილის №15 სხდომაზე დაფიქსირებული პოზიციების ურთიერთშეჯერების საფუძველზე (აკადემიური საბჭოს სხდომის ოქმი № 15),

აკადემიური საბჭო  ადგენს: 

  1. შევიდეს ცვლილება სსიპ – თბილისის ვანო სარაჯიშვილის სახელობის სახელმწიფო კონსერვატორიის აკადემიური საბჭოს 2021 წლის 02 აპრილის №39/2021 დადგენილებაში – „ახალი კორონავირუსის Covid-19-ის გავრცელებასთან დაკავშირებით სსიპ – თბილისის ვანო სარაჯიშვილის სახელობის სახელმწიფო კონსერვატორიაში არსებული მცირე დარბაზის უსაფრთხოდ მუშაობის გეგმის დამტკიცების შესახებ“ და მისი დანართში განხორციელდეს შემდეგი ცვლილებები (დანართი N 1):
    • მუხლში – IXI მცირე დარბაზში ვიზიტორთა განთავსება – დამატებულ იქნას შემდეგი პუნქტები:

9.1.1. ვიზიტორები არ განთავსდებიან პირველ, მეორე და მესამე რიგში
9.1.3. ჩახერგეთ გაუქმებული რიგები და ადგილები. განათავსეთ ამკრძალავი ნიშნები;
9.1.4. უზრუნველყავით ვიზიტორთა დარბაზში დაშვების დაგეგმვა იმგვარად, რომ არ მოხდეს ვიზიტორების დარბაზში დიდი ხნით დაყოვნება;
9.1.5. გამოყავით პასუხისმგებელი პირი, რომელიც მოუწოდებს ვიზიტორებს დროულად განთავსდნენ;
9.1.6. ადგილების ჯამური რაოდენობა: 40 ადგილი (ვირუსის გავრცელების რისკის შესამცირებლად). 


1.2. მუხლი – IXIII – მცირე დარბაზის საარტისტო – ჩამოყალიბდეს შემდეგი სახით:
9.3.1. მცირე დარბაზის საარტისტოში აკრძალულია ვიზიტორების მიღება. მცირე დარბაზში დაუშვებელია არტისტის გარდა სხვა თანხლები პირის დაშვება.
9.3.2. საარტისტოში არსტისტის შესვლამდე უზრუნველყავით სივრცის დეზინფიცირება და სივრცის ირიბი განიავება არანაკლებ 30 წთ-იანი შუალედისა.
9.3.3. საარტისტო აღჭურვეთ ხელის სადეზინფექციო ხსნარითა და ადამიანთა დასაშვები მაქსიმალური რაოდენობის ამკრძალავი ნიშნით.
9.3.4. არტისტის მიერ საარტისტოს დატოვების შემდგომ უზრუნველყავით საარტისტოს სველი წესით დასუფთავება, დეზინფიცირება და განიავება.
9.3.5. უზრუნველყავით საარტისტოს განიავება არანაკლებ 30-წთიანი შუალედით დალაგების დასრულების შემდგომ.

1.3. IXIII მუხლის – მცირე დარბაზის საარტისტო – 9.3.6. პუნქტი ჩამოყალიბდეს ცალკე  X მუხლად

  1. დადგენილება დაეგზავნოს ადმინისტრაციის ხელმძღვანელს, ორივე ფაკულტეტის დეკანს, ორივე ფაკულტეტის მიმართულებათა ხელმძღვანელებს, სასწავლო დეპარტამენტს, ხარისხის უზრუნველყოფის სამსახურს, კადრების სამსახურს, მცირე დარბაზის ადმინისტრაციას;
  2. დადგენილება განთავსდეს კონსერვატორიის ოფიციალურ ვებ-გვერდზე  www.tsc.edu.ge;
  3. წინამდებარე დადგენილება დაინტერესებული პირის მიერ შეიძლება გასაჩივრდეს კანონმდებლობით დადგენილი წესით ძალაში შესვლის დღიდან 1 თვის ვადაში ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე–12 კილომეტრი, №6).
  4. დადგენილება ძალაშია ხელმოწერისთანავე.

ნანა შარიქაძე
აკადემიური საბჭოს თავმჯდომარე