დადგენილება 68

დადგენილება № 68/2021 – სსიპ – თბილისის ვანო სარაჯიშვილის სახელობის სახელმწიფო კონსერვატორიის საშემსრულებლო ფაკულტეტის სამაგისტრო პროგრამაზე “საშემსრულებლო ხელოვნება” 2021-2022 სასწავლო წლისათვის სპეციალობაზე “აკადემიური გუნდის დირიჟორობა” სპეციალობის შემოქმედებით ტურში მისაღები პროგრამის შეფასების კომპონენტების ერთჯერადად ცვლილების შესახებ

დადგენილება №68/2021
თარიღი: 11 ივნისი, 2021 წელი

საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-2 ნაწილების, 53-ე მუხლის პირველი და მესამე ნაწილების, 54-ე მუხლის პირველი ნაწილის, 55-ე მუხლის, 56-ე მუხლის მე-3 ნაწილის, 57-ე მუხლის,  საქართველოს კულტურისა და ძეგლთა დაცვის მინისტრის 2014 წლის 07 ივლისის N05/90 ბრძანებით დამტკიცებული „საჯარო სამართლის იურიდიული პირის თბილისის ვანო სარაჯიშვილის სახელობის სახელმწიფო კონსერვატორიის წესდების“ მე-8 მუხლის პირველი ნაწილის „წ“ ქვეპუნქტისა და აკადემიური საბჭოს 2021 წლის 11 ივნისის №26 სხდომაზე პოზიციათა ურთიერთშეჯერების საფუძველზე (აკადემიური საბჭოს სხდომის ოქმი N 26),

აკადემიური საბჭო ადგენს:

1. დამტკიცდეს სსიპ – თბილისის ვანო სარაჯიშვილის სახელობის სახელმწიფო კონსერვატორიის საშემსრულებლო ფაკულტეტის სამაგისტრო პროგრამაზე “საშემსრულებლო ხელოვნება” 2021-2022 სასწავლო წლისათვის სპეციალობაზე “აკადემიური გუნდის დირიჟორობა” სპეციალობის შემოქმედებით ტურში მისაღები პროგრამის შეფასების კომპონენტების ერთჯერადად ცვლილება და შეფასების კომპონენტები განისაზღვროს შემდეგი სახით:
– დირიჟორობა – 60
– გასაუბრება საგამოცდო პროგრამის ირგვლივ – 20
– a cappella საგუნდო ნაწარმოების პარტიტურის დაკვრა ფორტეპიანოზე – 20
2. დადგენილება დაეგზავნოს საშემსრულებლო ფაკულტეტის დეკანს, სასწავლო დეპარტამენტს, აკადემიური გუნდის დირიჟორობის მიმართულების ხელძღვანელს, ხარისხის უზრუნველყოფის სამსახურს;
3. დადგენილება განთავსდეს კონსერვატორიის ოფიციალურ ვებ-გვერდზე www.tsc.edu.ge.
4. წინამდებარე დადგენილება დაინტერესებული პირის მიერ შეიძლება გასაჩივრდეს კანონმდებლობით დადგენილი წესით ძალაში შესვლის დღიდან 1 თვის ვადაში ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე–12 კილომეტრი, №6).
5. დადგენილება ძალაშია ხელმოწერისთანავე

ნანა შარიქაძე
აკადემიური საბჭოს თავმჯდომარე