დადგენილება No 57/2023 – სსიპ – ვანო სარაჯიშვილის სახელობის თბილისის სახელმწიფო კონსერვატორიის სასწავლო პროცესის მარეგულირებელი წესში დამატების შეტანის შესახებ

დადგენილება No 57/2023 – სსიპ – ვანო სარაჯიშვილის სახელობის თბილისის სახელმწიფო კონსერვატორიის სასწავლო პროცესის მარეგულირებელი წესში დამატების შეტანის შესახებ

დადგენილება No 57/2023

თარიღი: 08 სექტემბერი, 2023  წელი

საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-2 ნაწილების, 53-ე მუხლის პირველი და მესამე ნაწილების, 54-ე მუხლის პირველი ნაწილის, 55-ე მუხლის, 56-ე მუხლის მე-3 ნაწილის, 57-ე მუხლის, 63-ე მუხლის, საქართველოს კულტურისა და ძეგლთა დაცვის მინისტრის 2014 წლის 07 ივლისის No 05/90 ბრძანებით დამტკიცებული „საჯარო სამართლის იურიდიული პირის თბილისის ვანო სარაჯიშვილის სახელობის სახელმწიფო კონსერვატორიის წესდების“ მე-8 მუხლის პირველი პუნქტის „ქ“ ქვეპუნქტის, აკადემიური საბჭოს 2023 წლის 08 სექტემბრის #17 სხდომაზე დაფიქსირებული პოზიციების ურთიერთშეჯერების საფუძველზე (აკადემიური საბჭოს სხდომის ოქმი No 17)

აკადემიური საბჭო ადგენს:

1. შევიდეს ცვლილება სსიპ – თბილისის ვანო სარაჯიშვილის სახელმწიფო კონსერვატორიის სასწავლო პროცესის მარეგულირებელი წესში და და დაემატოს შემდეგი შინაარსის 9 1 მუხლი:

„მუხლი 9 1 . შეფასების შედეგების გასაჩივრება

1. შეფასების შედეგების ელექტრონულ სისტემაში ასახვიდან 2 სამუშაო დღის ვადაში სტუდენტი ვალდებულია გაეცნოს შემფასებლის უკუკავშირს და უფლებამოსილია შედეგის გასაჩივრების მიზნით მიმართოს შესაბამისი ფაკულტეტის დეკანს ნაშრომის შედეგების გადახედვის მიზნით.
2. გასაჩივებას ექვემდებარება წერითი ფორმით შესრულებული შუალედური და/ან დასკვნითი გამოცდის დროს შესრულებული ნაშრომი (მათ შორის, საბაკალავრო და სამაგისტრო საფეხურზე შესრულებული საკვალიფიკაციო ნაშრომის რეცენზია).
3. შესაბამისი ფაკულტეტის დეკანი განცხადების მიღების ვადის ამოწურვიდან 2 სამუშაო დღის ვადაში უზრუნველყოფს შესაბამისი ნაშრომის გამოთხოვას სასწავლო კურსის პედაგოგისაგან და შესაბამისი მიმართულების აკადემიური და/ან მოწვეული პერსონალისათვის სტუდენტის დაშიფრული ნაშრომის ასლის გადაგზავნას განცხადებასთან ერთად. დაუშვებელია ნაშრომი გაეგზავნოს იმავე პედაგოგს, რომლის მიერ დაწერილი შეფასება წარმოადგენს აპელაციის საფუძველს. საბაკალავრო და/ან სამაგისტრო ნაშრომის რეცენზიის გასაჩივრების შემთხვევაში ინიშნება ახალი რეცენზენტი.
4. ფაკულტეტის შესაბამისი მიმართულების აკადემიური და/ან მოწვეული პერსონალი ვალდებულია ორი სამუშაო დღის განმავლობაში უზრუნველყოს სააპელაციო განაცხადით განსაზღვრული ნაშრომის შემოწმება და შესაბამისი დასკვნის მიწოდება ფაკულტეტის დეკანისათვის. საბაკალავრო და/ან სამაგისტრო ნაშრომის შემთხვევაში რეცენზენტი ვალდებულია რეცენზია წარმოადგინოს არაუგვიანეს 10 სამუშაო დღისა.
5. წინამდებარე მუხლით განსაზღვრული პროცედურის დასრულების შემდეგ ნაშრომის ასლი, აპელაციის დასკვნასთან/რეცენზიასთან ერთად, უბრუნდება ფაკულტეტის დეკანს;
6. ფაკულტეტის დეკანი უზრუნველყოფს გასაჩივრების შედეგად დაფიქსირებული საბოლოო შეფასების სასწავლო პროცესის მართვის ელექტრონულ სისტემაში ასახვის მიზნით აღნიშნული ინფორმაციის სასწავლო დეპარტამენტისათვის მიწოდებას. საბაკალავრო და/ან სამაგისტრო ნაშრომის შემთხვევაში რეცენზია ეგზავნება სტუდენტს, სამეცნიერო ხელმძღვანელსა და დაცვის კომისიას.
7. გასაჩივრებას არ ექვემდებარება სასწავლო დისციპლინები, რომელთა სწავლის შედეგების შეფასება ხორციელდება ,,წარმატებით ჩააბარა/ჩააბარა/ვერ ჩააბარა” სისტემის მეშვეობით (იხ. გარდამავალი დებულებები).“
8. დადგენილება დაეგზავნოთ კონსერვატორიის კომპოზიციისა და მუსიკოლოგიის, საშემსრულებლო ფაკულტეტების დეკანებს, სტრუქტურულ ერთეულებს, ხარისხის უზრუნველყოფისსამსახურს;
   3. დადგენილება განთავსდეს კონსერვატორიის ოფიციალურ ვებ–გვერდზე www.tsc.edu.ge;
   4. წინამდებარე დადგენილება დაინტერესებული პირის მიერ შეიძლება გასაჩივრდეს კანონმდებლობით დადგენილი წესით ძალაში შესვლის დღიდან 1 თვის ვადაში ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე–12 კილომეტრი, No 64).
   5. დადგენილება ძალაში შედის გამოცემისთანავე.

ნანა შარიქაძე

აკადემიური საბჭოს თავმჯდომარე