wdasdas

დადგენილება № 07/2023 – სსიპ-თბილისის ვანო სარაჯიშვილის სახელობის სახელმწიფო კონსერვატორიის გამომცემლობის დებულების დამტკიცების შესახებ

დადგენილება № 07/2023

თარიღი: 14 ივლისი, 2023 წელი

საქართველოს ზოგადი ადმინისტრაციული კოდექსის 51-ე მუხლის პირველი ნაწილის, 52-ე მუხლის პირველი და მე-2 ნაწილების, 53-ე მუხლის პირველი და მესამე ნაწილების, 54-ე მუხლის პირველი ნაწილის, 55-ე მუხლის, 56-ე მუხლის მე-3 ნაწილის, 57-ე მუხლის, „უმაღლესი განათლების შესახებ“ საქართველოს კანონის მე-18 მუხლის 1-ლი პუნქტის „გ“ ქვეპუნქტის, 21-ე მუხლის 1-ლი პუნქტის „თ“ ქვეპუნქტის, საქართველოს კულტურისა და ძეგლთა დაცვის მინისტრის 2014 წლის 07 ივლისის N 05/90 ბრძანებით დამტკიცებული „საჯარო სამართლის იურიდიული პირის თბილისის ვანო სარაჯიშვილის სახელობის სახელმწიფო კონსერვატორიის წესდების“ მე-11 მუხლის პირველი პუნქტის „გ“ ქვეპუნქტის, მე-8 მუხლის 1-ლი პუნქტის „თ“ ქვეპუნქტის, კონსერვატორიის გამომცემლობის ხელმძღვანელის ქეთევან ბაქრაძის წარდგინების წერილის (რიცხვი, ნომერი) და კონსერვატორიის წარმომადგენლობითი საბჭოს 2023 წლის 14 ივლისის № 04 სხდომაზე დაფიქსირებული პოზიციების ურთიერთშეჯერების საფუძველზე 

წარმომადგენლობითი საბჭო ადგენს:

1. დამტკიცდეს სსიპ–თბილისის ვანო სარაჯიშვილის სახელობის სახელმწიფო კონსერვატორიის გამომცემლობის დებულება წარმოდგენილი სახით;
2. დადგენილება განთავსდეს კონსერვატორიის ოფიციალურ ვებგვერდზე www.tsc.edu.ge .
3. წინამდებარე დადგენილება დაინტერესებული პირის მიერ შეიძლება გასაჩივრდეს კანონმდებლობით დადგენილი წესით ძალაში შესვლის დღიდან 1 თვის ვადაში ქ. თბილისის საქალაქო სასამართლოს ადმინისტრაციულ საქმეთა კოლეგიაში (მისამართი: ქ. თბილისი, დავით აღმაშენებლის ხეივანი, მე–12 კილომეტრი, №64).
4. დადგენილება ძალაში შევიდეს ხელმოწერისთანავე.

ნათია ქავთარაძე

წარმომადგენლობითი საბჭოს სპიკერი