დოქტორანტურა (მიღება)

სწავლის ხანგრძლივობა – 3 წელი / 6 სემესტრი

სწავლის წლიური საფასური 
5000 ლარი (პროგრამა/სპეციალობა: კომპოზიცია)
4500 ლარი (პროგრამა „სამუსიკისმცოდნეო კვლევები“ სპეციალობები: მუსიკის თეორია, მუსიკის ისტორია, ეთნომუსიკოლოგია, საეკლესიო მუსიკოლოგია, საშემსრულებლო ხელოვნების ისტორია და თეორია)
5500 ლარი (პროგრამა „საშემსრულებლო ხელოვნება“ სპეციალობა: სოლო ფორტეპიანო)
6500 ლარი (პროგრამა „საშემსრულებლო ხელოვნება“ სპეციალობები: საორკესტრო საკრავები, აკადემიური სიმღერა, აკადემიური გუნდის დირიჟორობა, საკონცერტმაისტერო დაოსტატება, კამერული ანსამბლი)

→ სადოქტორო პროგრამებზე შემოქმედებითი ტურების შეფასების სისტემა

→ 2024-2025 სასწავლო წლისათვის მისაღები ადგილების რაოდენობა

→ საგანმანათლებლო პროგრამებზე აპლიკანტთა ჩარიცხვის წესი

სადოქტორო პროგრამაზე „სამუსიკისმცოდნეო კვლევები“ (სპეციალობები: მუსიკის თეორია, მუსიკის ისტორია, ეთნომუსიკოლოგია, საეკლესიო მუსიკოლოგია, საშემსრულებლო ხელოვნების ისტორია და თეორია) ბარდება:
1. სპეციალობა იხ. მოთხოვნები

სადოქტორო პროგრამაზე „კომპოზიცია“ ბარდება:
1. სპეციალობა იხ. მოთხოვნები

სადოქტორო პროგრამაზე „საშემსრულებლო ხელოვნება“ (სპეციალობები: სოლო ფორტეპიანო, საკონცერტმაისტერო დაოსტატება, კამერული ანსამბლი, საორკესტრო საკრავები, აკადემიური გუნდის დირიჟორობა, აკადემიური სიმღერა) ბარდება:
1. სპეციალობა:

• სოლო ფორტეპიანო იხ. მოთხოვნები
• ორგანი იხ.მოთხოვნები
• საკონცერტმაისტერო დაოსტატება იხ. მოთხოვნები
• კამერული ანსამბლი იხ. მოთხოვნები
• საორკესტრო სიმებიანი საკრავები იხ. მოთხოვნები
• საორკესტრო ჩასაბერი და დასარტყამი საკრავები იხ. მოთხოვნები
• აკადემიური გუნდის დირიჟორობა იხ. მოთხოვნები
• აკადემიური სიმღერა იხ. მოთხოვნები

2. მომავალი სადისერტაციო ნაშრომის გაფართოებული გეგმის დაცვა. იხ. მოთხოვნები

აპლიკანტებმა რეგისტრაციისთვის ელ.ფოსტაზე registration@tsc.edu.ge უნდა გამოაგზავნონ შემდეგი დოკუმენტები (შევსებული, ხელმოწერილი, დასკანირებული pdf ფორმატში; აღნიშნული არ ეხება ფოტო/აუდიო/ვიდეო ფაილებს);

1. სარეგისტრაციო განცხადება (იხ. დანართი №1);
2. განმცხადებლის ავტობიოგრაფია (CV, იხ. დანართი №2);
3. პირადობის დამადასტურებელი მოწმობის/პასპორტის ასლი;
4. მუსიკის მაგისტრის, ან მასთან გათანაბრებული აკადემიური ხარისხის დამადასტურებელი დიპლომი და დიპლომის დანართი, ან ცნობა ხარისხის მინიჭების შესახებ, თუ დიპლომი ჯერ გაცემული არ არის. საზღვარგარეთ განათლებამიღებულ პირთათვის – შესაბამისი დიპლომის ასლი და სსიპ – განათლების ხარისხის განვითარების ეროვნული ცენტრის მიერ გაცემული აღიარების დოკუმენტი;
5. ფოტოსურათი (ზომით 3 x 4) ელექტრონული (JPG) სახით;
6. მისაღები კონკურსის საფასურის (50 ლარი) გადახდის დამადასტურებელი საბანკო ქვითრის ასლი (იხ.რეკვიზიტები);
7. საპროექტო განაცხადი/პროგრამა: „საშემსრულებლო ხელოვნების“ სადოქტორო პროგრამაზე საპროექტო განაცხადი (იხ. დანართი №3.1) და საშემსრულებლო ტურში შესასრულებელი ნაწარმოებების ჩამონათვალი ქრონომეტრაჟის მითითებით; „მუსიკოლოგიური კვლევების“ სადოქტორო პროგრამაზე საპროექტო განაცხადი (იხ. დანართი №3.2) და „კომპოზიციის“ სადოქტორო პროგრამაზე საპროექტო განაცხადი (იხ. დანართი №3.3);
შენიშვნა: გაითვალისწინეთ, ყველა სადოქტორო პროგრამაზე საპროექტო განაცხადის/საშემსრულებლო პროგრამის გამოგზავნა/კორექტირება შესაძლებელია არაუგვიანეს 2024 წლის 20 ივნისისა!
8. პორტფოლიო: „საშემსრულებლო ხელოვნების“ სადოქტორო პროგრამაზე – საკონცერტო/ საშემსრულებლო აქტივობების დამადასტურებელი საბუთები (საკონცერტო პროგრამები, აფიშები, ჯილდოები, დიპლომები, სერტიფიკატები, დისკოგრაფიის სია, პრესა და ა.შ.). „მუსიკოლოგიური კვლევების“ სადოქტორო პროგრამაზე – გამოქვეყნებული სულ მცირე ერთი სტატია, საკონფერენციო მოხსენების ტექსტი და/ან სწავლების წინა საფეხურზე მომზადებული რეფერატი (ასევე სერტიფიკატები, კონფერენციების პროგრამები, სტატიების სატიტულო გვერდები/ სარჩევი და ა.შ.). „კომპოზიციის“ სადოქტორო პროგრამაზე – ნაწარმოებების ჩამონათვალი ქრონოლოგიურად, მათ შორის, ორი საპრეზენტაციო ნაწარმოები (პარტიტურები/ანოტაცია/აუდიო-ვიდეო ფაილი), სერტიფიკატები, ჯილდოები, აფიშები, კონცერტების, კონფერენციის პროგრამები, პარტიტურები, სანოტო გამოცემების, სტატიის სატიტულო გვერდები და სარჩევი, აუდიო-ვიდეო მასალა და ა.შ.
9. დამატებითი მოთხოვნები: „საშემსრულებლო ხელოვნების“ სადოქტორო პროგრამაზე „აკადემიური გუნდის დირიჟორობის“ მიმართულებით ჩაბარების მსურველმა აუცილებელია წარმოადგინოს შესაბამისი უფლებამოსილი პირის მიერ ხელმოწერილი ოფიციალური დოკუმენტი/ცნობა იმის შესახებ, რომ ის ნამდვილად არის საშემსრულებლო ტურზე წარმოდგენილი საგუნდო კოლექტივის ხელმძღვანელი/ თანახელმძღვანელი/ დირიჟორი/ ქორმაისტერი. წინააღმდეგ შემთხვევაში აპლიკანტი ტურზე არ დაიშვება.
10. უცხო ენის და/ან ქართული ენის B2 დონეზე ცოდნის დამადასტურებელი სერტიფიკატი (ასეთის არსებობის შემთხვევაში);
11. დამატებითი მოთხოვნები (ენის ფლობის შესახებ): დოქტორანტს მოეთხოვება უცხო ენის ცოდნა არანაკლებ B2 დონეზე, რაც უნდა დადასტურდეს შესაბამისი სერტიფიკატით.
● აპლიკანტი, რომელიც არ ფლობს უცხო ენის დამადასტურებელ სერტიფიკატს, დოქტორანტურაში ჩარიცხვის შემთხვევაში ვალდებულია სწავლის დაწყებიდან მე-3 სემესტრის ჩათვლით უზრუნველყოს შესაბამისი სერტიფიკატის წარმოდგენა. სერტიფიკატის წარმოდგენა არის დაცვაზე დაშვების ერთ-ერთი წინაპირობა;
● აღიარებას ექვემდებარება საერთაშორისო სერტიფიკატები, კერძოდ: TOEFL-ის, IELTS-ის, PTE General-ის, CAMBRIDGE FCE-ის, CPE-ის, CAE-ის, DELF/DALF-ის, ÖSD-ის, TestDaF (TDN 3), DSH (DSH 1), DSD (B2), GOETHE-ZERTIFIKAT, DELE (B2), eLADE (B2), CILS, CELI, PLIDA და სსიპ – გამოცდების ეროვნული ცენტრის მიერ გაცემული სერტიფიკატი – CERTUS.
● უცხო ენის სერტიფიკატის წარმოდგენისგან თავისუფლდება დოქტორანტობის კანდიდატი, იმ შემთხვევაში თუ სამაგისტრო/საბაკალავრო პროგრამის სრული კურსი გავლილი აქვს რომელიმე უცხო ენაზე: ინგლისურ, ფრანგულ, გერმანულ, იტალიურ და ესპანურ ენაზე ან დაგროვებული აქვს არანაკლებ 60 ECTS უცხოეთში სწავლის პერიოდში. დოქტორანტმა უნდა წარმოადგინოს აღნიშნულის დამადასტურებელი დოკუმენტი;
● დოქტორანტობის კანდიდატმა, რომელსაც ქართულენოვან პროგრამაზე სურს სწავლა და მისი მშობლიური ენა არ არის ქართული, უნდა წარმოადგინოს ქართული ენის B2 დონის დამადასტურებელი სერტიფიკატი.

მისაღები ადგილების და რეგისტრირებულ აპლიკანტთა რაოდენობა
შემოქმედებითი ტურების საგამოცდო კომისია
ინფორმაცია შემოქმედებითი ტურის შედეგების მიღების შესახებ

სრული განრიგი

შედეგები:
მუსიკოლოგიური კვლევები, საეკლესიო მუსიკოლოგია