დოქტორანტურა (მიღება)

სწავლის ხანგრძლივობა – 3 წელი/6 სემესტრი, 180 ECTS.

სწავლის წლიური საფასური 
5000 ლარი (პროგრამა/სპეციალობა: კომპოზიცია)
4500 ლარი (პროგრამა „სამუსიკისმცოდნეო კვლევები“ სპეციალობები: მუსიკის თეორია, მუსიკის ისტორია, ეთნომუსიკოლოგია, საეკლესიო მუსიკოლოგია, საშემსრულებლო ხელოვნების ისტორია და თეორია)
5500 ლარი (პროგრამა „საშემსრულებლო ხელოვნება“ სპეციალობა: სოლო ფორტეპიანო)
6500 ლარი (პროგრამა „საშემსრულებლო ხელოვნება“ სპეციალობები: საორკესტრო საკრავები, აკადემიური სიმღერა, აკადემიური გუნდის დირიჟორობა, საკონცერტმაისტერო დაოსტატება, კამერული ანსამბლი)

→ სადოქტორო პროგრამებზე შემოქმედებითი ტურების შეფასების სისტემა

→ 2023-2024 სასწავლო წლისათვის მისაღები ადგილების რაოდენობა

→ საგანმანათლებლო პროგრამებზე აპლიკანტთა ჩარიცხვის წესი

სადოქტორო პროგრამაზე „სამუსიკისმცოდნეო კვლევები“ (სპეციალობები: მუსიკის თეორია, მუსიკის ისტორია, ეთნომუსიკოლოგია, საეკლესიო მუსიკოლოგია, საშემსრულებლო ხელოვნების ისტორია და თეორია) ბარდება:
1. სპეციალობა იხ. მოთხოვნები

სადოქტორო პროგრამაზე „კომპოზიცია“ ბარდება:
1. სპეციალობა იხ. მოთხოვნები

სადოქტორო პროგრამაზე „საშემსრულებლო ხელოვნება“ (სპეციალობები: სოლო ფორტეპიანო, საკონცერტმაისტერო დაოსტატება, კამერული ანსამბლი, საორკესტრო საკრავები, აკადემიური გუნდის დირიჟორობა, აკადემიური სიმღერა) ბარდება:
1. სპეციალობა:

• სოლო ფორტეპიანო იხ. მოთხოვნები
• ორგანი იხ.მოთხოვნები
• საკონცერტმაისტერო დაოსტატება იხ. მოთხოვნები
• კამერული ანსამბლი იხ. მოთხოვნები
• საორკესტრო სიმებიანი საკრავები იხ. მოთხოვნები
• საორკესტრო ჩასაბერი და დასარტყამი საკრავები იხ. მოთხოვნები
• აკადემიური გუნდის დირიჟორობა იხ. მოთხოვნები
• აკადემიური სიმღერა იხ. მოთხოვნები

2. მომავალი სადისერტაციო ნაშრომის გაფართოებული გეგმის დაცვა. იხ. მოთხოვნები

აპლიკანტებმა რეგისტრაციისთვის ელ.ფოსტაზე registration@tsc.edu.ge უნდა გამოაგზავნონ შემდეგი საბუთები:

1. შემოქმედებით ტურებზე რეგისტრაციის შევსებული ფორმა (დანართი N1, შევსებული, ხელმოწერილი, დასკანირებული pdf);
2. პირადობის მოწმობის/პასპორტის ასლი;
3. აკრედიტებული უმაღლესი აკადემიური სამუსიკო საგანმანათლებლო დაწესებულების მიერ გაცემული მუსიკის მაგისტრის (ან მასთან გათანაბრებული) ხარისხის დამადასტურებელი დიპლომის და დიპლომის დანართის დედანი; / თუ დიპლომი და დანართი ჯერ არაა გაცემული,ცნობა ხარისხის მინიჭების შესახებ; / უცხოეთში მიღებული განათლების დამადასტურებელი დიპლომის აღიარების და მაგისტრის ხარისხთან გათანაბრების დოკუმენტი, გაცემული საქართველოს განათლების ხარისხის განვითარების ეროვნული ცენტრის მიერ. (ნებისმიერი დოკუმენტის დედნის ელ. ასლი);
შენიშვნა: რეგისტრაციის პერიოდში უცხოეთში მიღებული განათლების დამადასტურებელი დიპლომის აღიარების დოკუმენტის არარსებობის შემთხვევაში აპლიკანტს ამ დოკუმენტის წარმოსადგენად ეძლევა სადოქტორო პროგრამაზე ჩარიცხვიდან ერთი თვის ვადა;
4. გამოცდების საფასურის (50 ლარი) გადახდის დამადასტურებელი საბანკო ქვითრის ასლი (იხ.რეკვიზიტები);
5. ფოტოსურათი (3X4-ზე) ელექტრონული (JPG) სახით;
6. ავტობიოგრაფია – CV (დანართი N2);
7. პორტფოლიო (კანდიდატის აქტივობების დამადასტურებელი მასალები, რომელიც ასახავს მის პროფესიულ განვითარებას):

• სადოქტორო პროგრამაზე „სამუსიკისმცოდნეო კვლევები“ -სერტიფიკატები, კონფერენციების პროგრამები, სტატიების სატიტულო გვერდები და სარჩევი და ა.შ.;
•  სადოქტორო პროგრამაზე „კომპოზიცია“ – ნაწარმოებების ქრონოლოგიურად დალაგებული ჩამონათვალი, სერტიფიკატები, ჯილდოები, აფიშები, კონცერტების, კონფერენციის პროგრამები, პარტიტურები, სანოტო გამოცემების, სტატიის სატიტულო გვერდები და სარჩევი, აუდიო-ვიდეო მასალა და ა.შ.;
• სადოქტორო პროგრამაზე „საშემსრულებლო ხელოვნება“ – საკონცერტო მოღვაწეობის დამადასტურებელი პროგრამები, აფიშები, ჯილდოები, დიპლომები, სერტიფიკატები, კონცერტების, კონფერენციის პროგრამები, დისკები და ა.შ.).

8. საგამოცდო დოკუმენტაცია:

• სადოქტორო პროგრამაზე „სამუსიკისმცოდნეო კვლევები“ სადისერტაციო კვლევის საპროექტო განაცხადი (დანართი №3 /სამუსიკისმცოდნეო კვლევები/ შევსებული, ხელმოწერილი, დასკანერებული pdf) და დარგის პროფილის შესაბამისი ერთი სტატია/რეფერატი (სამუსიკისმცოდნეო პროფილის ნაშრომში /მოცულობა: 0.5 ნაბეჭდი თაბახი, 7-12 გვერდი/ დასმული პრობლემა არ არის აუცილებელი ორიგინალური და ახალი იყოს. ამ თვალსაზრისით, ნაშრომი შეიძლება ატარებდეს ნაწილობრივ რეფერატულ ხასიათს და არ არის აუცილებელი იყოს გამოქვეყნებული).
• სადოქტორო პროგრამაზე „კომპოზიცია“ სადისერტაციო კვლევის საპროექტო განაცხადი (დანართი №3 /კომპოზიცია/, შევსებული, ხელმოწერილი, დასკანერებული pdf) და აპლიკანტის ორი ნაწარმოები: ა) ინსტრუმენტული/ვოკალურ-ინსტრუმენტულ მუსიკის შემთხვევაში აგზავნის პარტიტურების pdf და mp3 ფაილების ფორმატში, ასევე ნაწარმოების ანოტაციის pdf ფაილს; ბ) ელექტრონული მუსიკის შემთხვევაში ჩანაწერს mp3 ფორმატში და ნაწარმოების ანოტაციის pdf ფაილს; მრავალარხიანი ნაწარმოების შემთთხვევაში მრავალარხიანი ფაილიც უნდა იყოს (.aiff ფორმატში) და სტერეო მიქსდაუნიც; გ) აუდიოვიზუალური მუსიკის შემთხვევაში ვიდეოს mp4 ფორმატში და ნაწარმოების ანოტაციის pdf ფაილს;
• სადოქტორო პროგრამაზე „საშემსრულებლო ხელოვნება“ სპეციალობის შემოქმედებით ტურში მისაღებ გამოცდაზე შესასრულებელი ნაწარმოებების ჩამონათვალი;ქრონომეტრაჟით (აპლიკანტის წარმოდგენილი საშემსრულებლო პროგრამა, ყოველი მიმართულების სპეციფიკიდან გამომდინარე, გამოცდამდე გაივლის შესაბამისი მიმართულების ხელმძღვანელის მიერ შემოწმებას: ქრონომეტრაჟის, პროგრამის სირთულის შესაბამისობას მისაღებ მოთხოვნებთან); ასევე მომავალი სადისერტაციო ნაშრომის გაფართოებული გეგმა (5-6გვ.); (პროგრამაც და გეგმაც უნდა იყოს ხელმოწერილი, დასკანერებული pdf); (შენიშვნა: „აკად. გუნდის დირიჟორობის“ სპეციალობაზე ჩაბარების მსურველმა აუცილებელია წარმოადგინოს შესაბამისი უფლებამოსილების მქონე პირის მიერ ხელმოწერილი ოფიციალური დოკუმენტი/ცნობა იმის შესახებ, რომ ის ნამდვილად არის გამოცდაზე წარმოდგენილი საგუნდო კოლექტივის ხელმძღვანელი/ თანახელმძღვანელი/ დირიჟორი/ ქორმაისტერი. წინააღმდეგ შემთხვევაში აპლიკანტი გამოცდაზე არ დაიშვება).
  შენიშვნა: გაითვალისწინეთ, სპეციალობის პროგრამის კორექტირება შესაძლებელია მხოლოდ რეგისტრაციის დასრულებამდე!

9. უცხო ენის (ინგლისური, გერმანული, ფრანგული, იტალიური – დამატებით მხოლოდ პროგრამაზე „საშემსრულებლო ხელოვნება“ / უცხო ქვეყნის მოქალაქეებისათვის – ქართული) ცოდნის დამადასტურებელი დოკუმენტი:
ა) არანაკლებ B2 დონეზე ფლობის დამადასტურებელი – საერთაშორისო აღიარების მქონე (TOEFL, IELTS, CAMBRIDGE, GOETHE-ZERTIFIKAT, DELF/DALF, CILS, CELI, PLIDA) ან შეფასებისა და გამოცდების ეროვნული ცენტრის მიერ გაცემული სერტიფიკატი (დედნის ელ. ასლი); 
ბ) შესაბამის ენაზე განათლების დამადასტურებელი (ბაკალავრის/მაგისტრის) დიპლომის ელ. ასლი;
გ)  უცხო ქვეყანაში ოფიციალურად მუშაობის უფლების მქონე პირთათვის, მინიმუმ 2 წლიანი მუშაობის დამადასტურებელი დოკუმენტი.
შენიშვნა: მითითებული დოკუმენტების არარსებობის შემთხვევაში აპლიკანტმა  ჩარიცხვის შემდეგ სამი სემესტრის განმავლობაში უნდა წარმოადგინოს ზემოხსენებული სერტიფიკატი ან კონსერვატორიის მიერ შემოთავაზებული უნივერსიტეტიდან (თსუ) გამოცდის შედეგად მიღებული შესაბამისი ქულები.

გაფრთხილება: გაყალბებული დოკუმენტის აღმოჩენის შემთხვევაში ინფორმაცია გადაეცემა შესაბამის ორგანოებს. ამ შემთხვევაში აპლიკანტი არ დაიშვება გამოცდებზე, ან მისაღები გამოცდების შედეგები ანულირდება.