კონკურსი აკადემიური თანამდებობის დასაკავებლად
სსიპ – თბილისის ვანო სარაჯიშვილის სახელობის სახელმწიფო კონსერვატორია აცხადებს კონკურსს კონსერვატორიის საშემსრულებლო ფაკულტეტის მიმართულებებზე პროფესორების და ასოცირებული პროფესორის სამსახურში მისაღებად.
სპეც. ფორტეპიანო:
ა) პროფესორი – 2 (ორი) ადგილი;
ბ) ასოცირებული პროფესორი (ფორტეპიანოზე დაკვრის სწავლების მეთოდიკა) – 1 (ერთი) ადგილი;
საკონცერტმაისტერო დაოსტატება:
პროფესორი – 1 (ერთი) ადგილი;
– პროფესორის თანამდებობაზე 6 წლის ვადით აირჩევა დოქტორი ან მასთან გათანაბრებული აკადემიური ხარისხის მქონე პირი, ან/და პირი, რომელსაც აქვს მნიშვნელოვანი წვლილი შეტანილი პროფესიული კადრების მომზადებასა და საშემსრულებლო ხელოვნების განვითარებაში და აქვს აკადემიური უმაღლესი სამუსიკო საგანმანათლებლო პროგრამების განმახორციელებელ საგანმანათლებლო დაწესებულებაში შესაბამისი მიმართულებით პროფესორად ან ასოცირებულ პროფესორად პედაგოგიური და სამეცნიერო-შემოქმედებითი მუშაობის არანაკლებ 8 წლის გამოცდილება.
– ასოცირებული პროფესორის თანამდებობაზე 4 წლის ვადით აირჩევა დოქტორი ან მასთან გათანაბრებული პირი, ან/და პირი რომელსაც აქვს წვლილი შეტანილი პროფესიული კადრების მომზადებასა და საშემსრულებლო ხელოვნების განვითარებაში და აქვს აკადემიური უმაღლესი სამუსიკო საგანმანათლებლო პროგრამების განმახორციელებელ საგანმანათლებლო დაწესებულებაში შესაბამისი მიმართულებით ასოცირებულ ან ასისტენტ პროფესორად პედაგოგიური და სამეცნიერო-შემოქმედებითი მუშაობის არანაკლებ 4 წლის გამოცდილება.
აკადემიურ თანამდებობაზე ასარჩევმა კანდიდატებმა უნდა წარმოადგინონ:
–კონკურსანტის განცხადება საკონკურსო კომისიის სახელზე, დადგენილი ფორმის მიხედვით;
–კონკურსანტის ანკეტა, შევსებული დადგენილი ფორმის მიხედვით;
– პირადობის მოწმობის ასლი;
-1 (ერთი) ფოტოსურათი (ზომა: 3×4 სმ);
– ცნობა ნასამართლობის შესახებ(,,უმაღლესი განათლების შესახებ“ 32-ე მუხლის მე-2 პუნქტის თანახმად, უმაღლეს საგანმანათლებლო დაწესებულებაში არ შეიძლება დასაქმდეს „სქესობრივი თავისუფლებისა და ხელშეუხებლობის წინააღმდეგ მიმართულ დანაშაულთან ბრძოლის შესახებ“ საქართველოს კანონით გათვალისწინებული სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლევი პირი ან/და პირი, რომელსაც იმავე კანონის საფუძველზე სასამართლომ ჩამოართვა საგანმანათლებლო დაწესებულებაში საქმიანობის უფლება);
– ბოლო სამსახურებრივი პოზიციის (აკადემიური თანამდებობა/მოწვ.მასწ) დამადასტურებელი ცნობა, გაცემული შესაბამისი უწყების მიერ;
– უმაღლესი განათლების დამადასტურებელი დოკუმენტის (დიპლომის/ების) ასლი/ები;
– უცხო ქვეყანაში მიღებული განათლების დამადასტურებელი დოკუმენტის (დიპლომის/ების) ასლი/ები და მათი აღიარების კანონმდებლობით დადგენილი წესით გაცემული დოკუმენტი (ასეთის არსებობის შემთხვევაში);
– სამსახურებრივი გამოცდილების ამსახველი კანონმდებლობით დადგენილი წესით გაცემული დოკუმენტი (ცნობა /შრომის წიგნაკის ასლი და სხვა);
-დოქტორის ან მასთან გათანაბრებული აკადემიური ხარისხის დამადასტურებელი დოკუმენტის (დოკუმენტების) ასლი (ასეთის არსებობის შემთხვევაში);
– უცხო ქვეყანაში მიღებული სამეცნიერო ხარისხის აღიარების კანონმდებლობით დადგენილი წესით გაცემული დოკუმენტი (ასეთის არსებობის შემთხვევაში);
– ჯილდოების, პრემიების, წოდებების, სტიპენდიების მიღების დამადასტურებელი დოკუმენტაციის ასლები;
დოკუმენტაცია წარმოდგენილი უნდა იქნეს როგორც ბეჭდური, ისე ელექტრონული სახით, ჩაწერილი CD-ზე;
საკონკურსო დოკუმენტების მიღება იწარმოებს 2024 წლის 12 სექტემბრიდან 2024 წლის 18 სექტემბრის ჩათვლით, 10.00-დან 18.00 საათამდე (შაბათ-კვირის გარდა, შესვენება 13.00-დან 14.00-მდე) კონსერვატორიის საკონკურსო დოკუმენტაციის მიმღებ აპარატში, (მისამართი: ქ. თბილისი, ალ. გრიბოედოვის ქ. No8-10, ოთახი No216, ელექტრონული მისამართი: konkursi@tsc.edu.ge);