2023-24-migheba

სსიპ თბილისის ვანო სარაჯიშვილის სახელობის სახელმწიფო კონსერვატორია 2024-2025 სასწავლო წლისათვის აცხადებს მიღებას საბაკალავრო, სამაგისტრო და სადოქტორო საგანმანათლებლო პროგრამებზე და მობილობის მიზნებისთვის შესარჩევ კონკურსზე

საბაკალავრო საგანმანათლებლო პროგრამებზე „საშემსრულებლო ხელოვნება“ (კლავიშიანი საკრავები, აკადემიური გუნდის დირიჟორობა, სოლო აკადემიური სიმღერა /ქალები, ვაჟები/, სიმებიანი: ვიოლინო, ალტი, ჩელო, გიტარა, ჩასაბერი: ფლეიტა, ჰობოი, კლარნეტი, ფაგოტი, ვალტორნა, საყვირი, ტრომბონი და დასარტყამი საკრავები), „ჯაზის ხელოვნება“, „კომპოზიცია“, „მუსიკოლოგია“, „მუსიკის ტექნოლოგია“ მისაღები გამოცდებისთვის/ შემოქმედებითი ტურებისთვის რეგისტრაციის პერიოდია 2024 წლის 15 აპრილიდან 15 მაისის ჩათვლით (იხ. საბუთების ნუსხა). მისაღები გამოცდები/შემოქმედებითი ტურები ჩატარდება 10 ივნისიდან 25 ივნისის ჩათვლით. სრული განრიგი გამოცხადდება არაუგვიანეს 03 ივნისისა. 

სამაგისტრო საგანმანათლებლო პროგრამებზე „საშემსრულებლო ხელოვნება“ (კლავიშიანი საკრავები, აკადემიური გუნდის დირიჟორობა, სოლო აკადემიური სიმღერა, სიმებიანი /ვიოლინო, ალტი, ჩელო, კონტრაბასი, არფა, გიტარა/ და ჩასაბერი /ფლეიტა, ჰობოი, საყვირი/ საკრავები), „კომპოზიცია“, „მუსიკის ტექნოლოგია“, „მუსიკოლოგია“ (სპეციალობები: მუსიკის თეორია, მუსიკის ისტორია, ეთნომუსიკოლოგია, საეკლესიო მუსიკა) მისაღები გამოცდებისთვის/ შემოქმედებითი ტურებისთვის რეგისტრაციის პერიოდია 2024 წლის 20 მაისიდან 05 ივნისის ჩათვლით (იხ. საბუთების ნუსხა). მისაღები გამოცდები/შემოქმედებითი ტურები ჩატარდება 01 ივლისიდან 15 ივლისის ჩათვლით. სრული განრიგი გამოცხადდება არაუგვიანეს 25 ივნისისა.

სადოქტორო საგანმანათლებლო პროგრამებზე „საშემსრულებლო ხელოვნება“ (აკადემიური სიმღერა, სოლო ფორტეპიანო, კამერული ანსამბლი), „კომპოზიცია“ და „მუსიკოლოგიური კვლევები“ (მუსიკის თეორია, მუსიკის ისტორია, ეთნომუსიკოლოგია, საეკლესიო მუსიკოლოგია) მისაღები გამოცდებისთვის/ შემოქმედებითი ტურებისთვის რეგისტრაციის პერიოდია 2024 წლის 20 მაისიდან 05 ივნისის ჩათვლით (იხ. საბუთების ნუსხა). მისაღები გამოცდები/შემოქმედებითი ტურები ჩატარდება 01 ივლისიდან 15 ივლისის ჩათვლით. სრული განრიგი გამოცხადდება არაუგვიანეს 25 ივნისისა.

მობილობის (გარე/შიდა) ფარგლებში მისაღები გამოცდებისთვის/შემოქმედებითი ტურებისთვის საგანმანათლებლო პროგრამაზე „საშემსრულებლო ხელოვნება“ (სოლო აკადემიური სიმღერა, აკადემიური გუნდის დირიჟორობა, კლავიშიანი საკრავები) რეგისტრაციის პერიოდია 2024 წლის 15 აპრილიდან 15 მაისის ჩათვლით. მობილობის მსურველთათვის კონსერვატორიის შიდა შესარჩევი გამოცდები ჩატარდება 10 ივნისიდან 25 ივნისის ჩათვლით. სრული განრიგი გამოცხადდება არაუგვიანეს 03 ივნისისა. მობილობის ფარგლებში საგანმანათლებლო პროგრამაზე „მუსიკის ტექნოლოგია“ კონსერვატორიაში რეგისტრაცია გამოცხადდება მოგვიანებით (მიმდინარე წლის ივლისი-აგვისტო). 

შენიშვნა: აპლიკანტებისთვის, რომლებიც ქართულ ენაში მომზადების საგანმანათლებლო პროგრამის გავლით აპირებენ სწავლის გაგრძელებას საბაკალავრო სახელოვნებო-შემოქმედებით საგანმანათლებლო პროგრამებზე, სავალდებულოა ზემოთ მითითებულ პერიოდში რეგისტრაციისა და შემოქმედებითი ტურების გავლა.

დეტალური ინფორმაცია ასახულია ქვედა ველებში