2023-24-migheba

საბაკალავრო, სამაგისტრო, სადოქტორო საგანმანათლებლო პროგრამებზე (მათ შორის მობილობის მიზნებისთვის) მისაღები გამოცდებისთვის/შემოქმედებითი ტურებისთვის რეგისტრაციის პერიოდია – 2023 წლის 01 აპრილიდან 30 აპრილის ჩათვლით

(რეგისტრაციისთვის ელ.ფოსტაზე registration@tsc.edu.ge გამოსაგზავნი საბუთების ნუსხა განთავსებულია „მიღების“ ქვედა ველებში)

ყველა საბაკალავრო პროგრამაზე – „საშემსრულებლო ხელოვნება“ (კლავიშიანი საკრავები, აკადემიური გუნდის დირიჟორობა, სოლო აკადემიური სიმღერა /ქალები, ვაჟები/, საორკესტრო სიმებიანი საკრავები /ვიოლინო, ალტი, ჩელო, კონტრაბასი, გიტარა/, საორკესტრო ჩასაბერი /ფლეიტა, ჰობოი, კლარნეტი, ვალტორნა, საყვირი, ტუბა/ და დასარტყამი საკრავები), „ჯაზის ხელოვნება“, „კომპოზიცია“, „მუსიკის თეორია“, „მუსიკა და დღევანდელობა“ (მუსიკის ტექნოლოგია) მისაღები გამოცდები/შემოქმედებითი ტურები ჩატარდება 05 ივნისიდან 23 ივნისამდე პერიოდში. სრული განრიგი გამოცხადდება არაუგვიანეს 29 მაისისა.

ყველა სამაგისტრო პროგრამაზე – „საშემსრულებლო ხელოვნება“ (კლავიშიანი საკრავები, აკადემიური გუნდის დირიჟორობა, სოლო აკადემიური სიმღერა, საორკესტრო სიმებიანი /ვიოლინო, ალტი, ჩელო/ და ჩასაბერი /ფლეიტა, კლარნეტი, ვალტორნა, საყვირი/ საკრავები), „კომპოზიცია“, „მუსიკის ტექნოლოგია“, „მუსიკისმცოდნეობა“ (სპეციალობები: მუსიკის თეორია, მუსიკის ისტორია, ეთნომუსიკოლოგია, საეკლესიო მუსიკოლოგია) მისაღები გამოცდები/შემოქმედებითი ტურები ჩატარდება 19 ივნისიდან 03 ივლისამდე პერიოდში. სრული განრიგი გამოცხადდება არაუგვიანეს 12 ივნისისა.

ყველა სადოქტორო პროგრამაზე – „საშემსრულებლო ხელოვნება“ (აკადემიური სიმღერა, კამერული ანსამბლი), „კომპოზიცია“ და „სამუსიკისმცოდნეო კვლევები“ (მუსიკის თეორია, მუსიკის ისტორია, ეთნომუსიკოლოგია, საეკლესიო მუსიკოლოგია) მისაღები გამოცდები/შემოქმედებითი ტურები ჩატარდება 26 ივნისიდან 03 ივლისამდე პერიოდში. სრული განრიგი გამოცხადდება არაუგვიანეს 19 ივნისისა.

მობილობის მსურველთათვის კონსერვატორიის საბაკალავრო საგანმანათლებლო პროგრამებზე/სპეციალობებზე – „საშემსრულებლო ხელოვნება“ (სპეციალობა: სოლო აკადემიური სიმღერა, კლავიშიანი საკრავები) და „მუსიკა და დღევანდელობა“ (მუსიკის ტექნოლოგია) შიდა შესარჩევი გამოცდა/ები ჩატარდება 05 ივნისიდან 23 ივნისამდე პერიოდში. სრული განრიგი გამოცხადდება არაუგვიანეს 29 მაისისა.

• (შენიშვნა: აპლიკანტებისთვის, რომლებიც ქართულ ენაში მომზადების საგანმანათლებლო პროგრამის გავლით აპირებენ სწავლის გაგრძელებას საბაკალავრო სახელოვნებო-შემოქმედებით საგანმანათლებლო პროგრამებზე, სავალდებულოა ზემოთ მითითებულ პერიოდში რეგისტრაციისა და შემოქმედებითი ტურების გავლა)

განახლებული მისაღები მოთხოვნები:

• მისაღები მოთხოვნები განახლდა საბაკალავრო პროგრამებზე „საშემსრულებლო ხელოვნება“(ჩასაბერი და დასარტყამი საკრავები),„მუსიკა და დღევანდელობა (მუსიკის ტექნოლოგია)“
• მისაღები მოთხოვნები განახლდა სამაგისტრო პროგრამაზე „მუსიკისმცოდნეობა“