migeba-2022-23-info

2022-2023 სასწავლო წლისათვის მისაღები გამოცდების/ შემოქმედებითი ტურების შესახებ

მისაღები გამოცდების/შემოქმედებითი ტურებისთვის რეგისტრაციის ვადები:

საბაკალავრო, სამაგისტრო, სადოქტორო საგანმანათლებლო პროგრამებზე მისაღები გამოცდებისთვის/შემოქმედებითი ტურებისთვის რეგისტრაციის პერიოდი:   2022  წლის  21  მარტიდან  21  აპრილის  ჩათვლით
(რეგისტრაციისთვის ელ.ფოსტაზე  registration@tsc.edu.ge  გამოსაგზავნი საბუთების ნუსხა განთავსებულია მენიუს სექციაში “მიღება”)

მისაღები გამოცდების/შემოქმედებითი ტურების ჩატარების ვადები:

1. საბაკალავრო საგანმანათლებლო პროგრამებზე („საშემსრულებლო ხელოვნება“ (კლავიშიანი საკრავები, აკადემიური გუნდის დირიჟორობა, სოლო აკადემიური სიმღერა /ქალები, ვაჟები/, საორკესტრო სიმებიანი საკრავები /ვიოლინო, ალტი, ჩელო, კონტრაბასი, გიტარა/, საორკესტრო ჩასაბერი /ფლეიტა, ჰობოი, კლარნეტი, ფაგოტი, ვალტორნა, საყვირი, ტრომბონი/ და დასარტყამი საკრავები), „ჯაზის ხელოვნება“, „კომპოზიცია“, „მუსიკის თეორია“, „მუსიკა და დღევანდელობა“ – მუსიკის ტექნოლოგია) მისაღები გამოცდებისთვის/შემოქმედებითი ტურების ჩატარების პერიოდი – 16 მაისი – 25 მაისი;
შემოქმედებითი ტურების სრული განრიგი გამოცხადდება არაუგვიანეს 13 მაისისა; 

(შენიშვნა: აბიტურიენტებისათვის, რომლებიც ქართულ ენაში მომზადების საგანმანათლებლო პროგრამის გავლით აპირებენ სწავლის გაგრძელებას სახელოვნებო-შემოქმედებით საგანმანათლებლო პროგრამებზე, სავალდებულოა ზემოთ მითითებულ პერიოდში რეგისტრაციისა და შემოქმედებითი ტურების გავლა)

2.  სამაგისტრო საგანმანათლებლო პროგრამაზე („საშემსრულებლო ხელოვნება“: კლავიშიანი საკრავები, აკადემიური გუნდის დირიჟორობა, სოლო აკადემიური სიმღერა, საორკესტრო სიმებიანი /ვიოლინო, ალტი, ჩელო/ და ჩასაბერი /ფლეიტა, ჰობოი, კლარნეტი, ფაგოტი, ვალტორნა, საყვირი, ტრომბონი/ საკრავები) მისაღები გამოცდებისთვის/შემოქმედებითი ტურების ჩატარების პერიოდი – 13 ივნისი – 25 ივნისი;
შემოქმედებითი ტურების სრული განრიგი გამოცხადდება არაუგვიანეს 10 ივნისისა;

(შენიშვნა: სამაგისტრო საგანმანათლებლო პროგრამებზე „კომპოზიცია“ და „მუსიკისმცოდნეობა“ მისაღები გამოცდები/შემოქმედებითი ტურები ტარდება 2022 წლის სექტემბერში; შესაბამისად, რეგისტრაციის დაშემოქმედებითი ტურების ვადები გამოცხადდება მოგვიანებით)

3. სადოქტორო საგანმანათლებლო პროგრამებზე („საშემსრულებლო ხელოვნება“ – სოლო ფორტეპიანო, აკადემიური სიმღერა, საორკესტრო საკრავები /ვიოლინო/, კამერული ანსამბლი; „კომპოზიცია“ და „სამუსიკისმცოდნეო კვლევები“ – მუსიკის თეორია, მუსიკის ისტორია, ეთნომუსიკოლოგია, საეკლესიო მუსიკოლოგია) მისაღები გამოცდებისთვის/შემოქმედებითი ტურების ჩატარების პერიოდი – 20 ივნისი – 25 ივნისი;
შემოქმედებითი ტურების სრული განრიგი გამოცხადდება არაუგვიანეს 17 ივნისისა

განახლებული მისაღები მოთხოვნები:

• მისაღები მოთხოვნები განახლდა საბაკალავრო პროგრამაზე „საშემსრულებლო ხელოვნება“(სპეციალობებზე: კლავიშიანი საკრავები, საორკესტრო სიმებიანი, ჩასაბერი და დასარტყამი საკრავები, სოლო აკადემიური სიმღერა)
• მისაღები მოთხოვნები განახლდა სამაგისტრო პროგრამაზე „საშემსრულებლო ხელოვნება“(სპეციალობებზე: საორკესტრო სიმებიანი, ჩასაბერი და დასარტყამი საკრავები), „მუსიკისმცოდნეობა“ (სპეციალობაზე: მუსიკის თეორია)
• სიახლე შევიდა საბაკალავრო პროგრამაზე „მუსიკა და დღევანდელობა – მუსიკის ტექნოლოგია“ დაშვების დამატებითი მოთხოვნის სახით. (აღნიშნულთან დაკავშირებით 2022 წლის თებერვლიდან კონსერვატორია აბიტურიენტებს სთავაზობს მოსამზადებელ კურსს)

სრულად მისაღები მოთხოვნები იხილეთ მენიუს სექციაში “მიღება”